.

---

 

 

لا تكبر الشرهة على عشرة أيام..

لا صار ماهي سنين ليه تألّم ..

لا صرت من عشرة كذا يوم منضآم ..

وشلون لو عشرة اسنين أتّبلّم..

لكن مدام انك تعاني من آلآم ..

تعال اخفف عنك لجل تعلّم ..

وش قولك بشخصين عشرة من أعوام..

ولا فيهم اللي من عشيرة تظلّم ..

على النقا ظلوا عزيزين واحشآم ..

وكلن على الفزعات دآيم مولّم..

لا قال ذا قدام ذا قال قدآآم..

وقبل يتكلم خآبر وش بيتكلم..

حتى ابليس اللي على الشر ما نام.. 

لا قال افرقهم يقول أتحلّم ..

والحين شفهم وتعرف كيف الاجرام..

وتعرف كيف الشر بالرووس علّم ..

من قبل لا تقابلوا مثل الايتام ..

لا شفت ملقاهم لبعض تألّم..

 

واليوم لو هي صدفه بمآآقف عام..

ما فيهم اللي شاف صاحبه سلّم..