الله ولا الهاجس اللي مايريحنـي اسهر عيوني وعنانـي وعنيتـه
احاول اخفيه مير الحزن يفضحني متمركز بالحشاء كن الحشاء بيته
ياللي تعابت غموضي لاتوضحني ماباقي في الخفوق الا تناهيتـه
اصافح الهم قبل انـه يصافحنـي واحب خشمه وردد فالخفى ليتـه
ليته قبل لاتزل خطاي ينصحنـي ولايريح خفوقـي مـن عفاريتـه
والغالي اللي عليه الشوق ذابحني اقفي به الوقت ماجاني ولاجيتـه
ياسيد الغيد قبل اقول لـك بحنـي بخبرك عن كـلام عنـك خفيتـه
تدري وش اكبر خطاي الله يسامحني اقفايتي عنك وانت اللـي تمنيتـه
وهذا هو اللي معذبني وجارحنـي اقـول ابنسـاه وانـا ماتنسيتـه
ليست هناك تعليقات:
إرسال تعليق
.. يسعدني وجودكم ~ شكرا من القلب ..